A-dro dhe Orsedh Kernow

Prag Gorseth Kernow?

 An Orseth Ygor, Aberfal, 2000

Gwra clykkya war an ymach dh'y voghhe (68k)

 
Gorseth Kernow a vew dhe ventena an spyrys kenethlek Keltek a Gernow:

• dhe avonsya studhyans a lyen, art, ylow hag ystory;
• dhe avonsya studhyans hag us an tavas Kernewek;
• dhe ventena ha methryn melyow gans gonysegethow Keltek erel;
• dhe brovya forum ha kennerthans dhe bup huny a ober dhe avonsya an towlow ma.

 
Nyns yu an Orseth gwlasek, na kefrysys dhe nep cryjyans, ha ny wra hy gul prow arghansek, ha contrary dhe brederow kemyn, ny's teves kestaf vyth gans Drewydhyeth na usadow pagan.  Hy a vew yn unyk dhe ventena an hengovyon Keltek a Gernow ha dhe enora gwer ha benenes re wrug kevrannow mur aga bry dhe Gernow, hy gonysegeth, hy ystory ha'y thavas auncyent.

 
Fatel wra an Orseth hemma?

Gorseth Kernow a sew hy thowlow dre synsy kesstryvyansow bledhennek ha pewashe werysonyow abarth bryntynsys;
 

• dre bewashe barthyans dhe dus unyk abarth ober a brys yn gonysegeth Gernewek;
• solempnyta an Orseth Ygor;
• dre wortheby dhe wovynnadow rak deryvadow ha dre scothya lyes forum, lyes kessedhek, lyes mayn h.e. gans hy hannasow;
• dre brovya poynt fogyl rak cowethasow Kernewek ha bagasow dhe les yn Breten ha dres oll an bys.

Barth Mur, John Bolitho/Jowan an Cleth, ha'n Cannas Barth Mur, Rod Lyon/Tewennow, Aberfal, 2000

Gwra clykkya war an ymach dh'y voghhe (108k)